اللقاء الاول

ان اللقاء الاول هو اصعب لقاء فى كل شئ سواء كان انترفيو عمل او تعارف و خصوصا لو كان تعارف شاب وفتاه
كم يكون صعبا هذا اللقاء فتجد كل منهما يظهر بافضل ما عنده من حيث مظهره وشكله واخلاقه و بارفانه كل شى وكما يقولون " الانطباعه الاولى تدوم" وبالطبع هذا ليس كذبا ولكنه تجمل ولكن ايضا خادع لانه يخدع بعض من يهتمون بمثل هذه الاشياء ولا يقراون الجوهر . جوهر الشخصيه هو الاساس
الذى سوف تتعامل معه وتجد ان الفتيات هم الاكثر وقوعا فى هذا الخطا حيث ينظرون الى شعره ولون عينه مع انها لينسز وماركه بنطلونه وتشيرته وحتى ماركه الشوز بتاعه واةةةة ولكن لديه سياره يبقا جامد طحن واخر شئ كمان ولا يلتفتون الى شخصيته وجوهرها ولكن هذا ليس موضوعنا الان .
فاللقاء الاول هو من اصعب المواقف التى يوجها الانسان فى حياته عندما يقابل شخص يتعرف عليه لاول مره فيركز فى كل كلمه ينطق بيها حتى يظهر بمظهر لائق والشئ الذى لا اجد له اجابه لماذا يفتعل الشخص هذا هل يسمى ذلك كذبا ؟
لماذا لا نظهر بطبيعتنا وليكن ما يكن فعلى الطرف الاخر ان يقبلنا كما نحن او لا يقبلنا فهذا يعود له
اما اللقاء الاول فيكون من اجمل اللقاءات التى تقابلها لشخص معين انك تقابل شخص مره واثنين وثلاته وربما عشر مرات و تكتشف بعد ذلك ان اول لقاء مع هذا الشخص كان اجمل لقاء معه على الاطلاق وهنا الانطباعات الاولى لا تدوم
وتقابل شخص اخر اكثر من مره وتشعر بعكس الاحساس تماما انك فى كل مره تره فيها تكتشف فيه شئ جديد جميلا لم تلحظه من قبل ويزيد لديك الشعور بانك تريد ان تراه دايما لتعرفه اكثر وكلما تراه اكثر يزيد اشتيقاق له اكثر وهذا ما يسمى بال.............
باللقاء الاول تترتب بعده لقاءات كثيره ولكن تختلف هذه اللقاءات بحسب الشخصيه التى تقابلها
ولكن يظل اللقاء الاول كما هو اجمل لقاء فى الحالتين سواء كانت شخصيه متجمله او جميله بالفعل لانك ستظل تذكر اول لقاء جمعكما الله فيه

انا والنجوم وهواك مع اسامه منير

وانهارده فى يوم الحب الحلقه مفتوحه من القلب الى القلب كل واحد يقول اللى فى قلبه ومعانا اتصال تليفونى نقول الوووووو
المتصل : ازيك يا اسامه
اسامه : الحمد لله تمام اتشرف بيكى
المتصل : مروه طبعا ده مش اسمى الحقيقى
اسامه :اةةة ولا يهمك مروه كام سنه
مروه : 24
اسامه : ها مرتبطه ولا لا
مروه: لا طبعا مش مرتبطه
اسامه : وطبعا ليه يعنى
مروه : عشان الارتباط ده حاجه تخنق يعنى حد يتحكم فيك ويقولك اعمل كذا ومتعملش كذا
اسامه : لا يا مروه الارتبط مش كده
مروه : لا كده
اسامه : بصى يا مروه ده اسمه خوف عليكى يعنى واحد بيحبك وبيخاف عليكى وعشان كده بيقولك اعملى كده ومتعمليش كده عشان انتى حاجه مهمه عنده لو انتى حاجه مش مهمه عنده عمره ما حيعمل كده معاكى
مروه : لا ده خنقه انا مستريحه كده اعمل اللى على مزاجى محدش يقولى اعملى وسواى
اسامه : لو هو مش بيحبك ويخاف عليكى مش حيفرق معاه تعملى ايه ومتعمليش ايه
مروه : بس انا مبحبش حد يتحكم فيا
اسامه : الناس اللى بتحبنا ماسمهاش حد خصوصا لما تكون بتخاف علينا اكتر من نفسنا
مروه : لا انا مبحبش كده
اسامه : بصى انا عايز اقولك حاجه انت ممكن تلاقى شخص كده زى ما انتى عايزا بس صدقينى بردو مش حتبقى مبسوطه مش حيقولك اعملى وسوى سعاتها حتبقى مخنوقه لانك حاتحسى انه مش بيحبك وان انتى مش حاجه مهمه فى حياته يعنى من الاخر مش حيبقى رجل حتى فى نظرك
مروه : هو ميبقاش رجل الا لو اتحكم فيا
اسامه : لا طبعا مش هى ديه الرجوله بس هو ممكن يكون عايز يحسسك بالامان وراحه ويطمنك انه هو دايما جنبك وحطك فى عنيه
مروه : انا اصلن مبحبش حد بقولى اعملى وسوى
اسامه : اه سورى بقا يبقى انتى مش عايزا رجل زى ما قولتلك ممكن تلاقى حد كده وسعاتها حتبقى مخنوقه بردو
لانه مش محسسك بالامان ومش فرقا معاه انتى بتعملى ايه ونسمع اغنيه فضل شاكر بياع القلوب
بياع القلوب .... باعني
حبيته ليه .... خدعني
كدب عليا و صدقته ..... كان كل ذنبي إني عشقته
يا ريتني ما كنت عرفته ..... ولا كانش طيفه في يوم زارني
كان إيه يا قلبي اللي رمانا
على قلب ميصونش هوانا
ظلمنا و البعد مصيرنا
متقوله جايز يسمعنا
و لا كمان هيودعنا
زي ما ودع ناس غيرنا
بياع القلوب .... باعني
حبيته ليه .... خدعني
كدب عليا و صدقته ..... كان كل ذنبي إني عشقته
يا ريتني ما كنت عرفته ..... ولا كانش طيفه في يوم زارني
سنين بنكدب على روحنا
يا قلبي و نداري جروحنا
و هو ظالم ما بيرحم
يزيد في ناره و يجرحنا
تملي ناسي يفرحنا
ده البعد عنه أكيد أرحم
بياع القلوب .... باعني
حبيته ليه .... خدعني
كدب عليا و صدقته ..... كان كل ذنبي إني عشقته
يا ريتني ما كنت عرفته ..... ولا كانش طيفه في يوم زارني

كلام من القلب

بصراحه حاسس انى عايز اكتب بس مش عارف اقول ايه فى حاجه جويا ومش عارف اطلعها ازاى انا عارفت ناس كتير فى حياتى والتعامل مع الناس ديه علمنى حاجات كتير .
فى ناس حابتهم وناس حابونى بس مش قادر اعرف ايه سبب ان اللى حبتهم مقدروش ده واللى حبونى معرفتش ابدالهم نفس الحب ده حاجه غريبه بجد ان اللقلوب مش بتتلاقى . ناس نحبهم وميحبناش وناس يحبونا ومنعرفش نحبهم !!!!
انما الشى الغريب بجد انك تلاقى شخص تحبه ويحبك وبعد كده الحب ده يضيع يروح يتوه يتبخر وفجاه بعد الحب تبقوا صحاب ههههههههه
مع انه مينفعش اصلن ان اثنين بيحبو بعض يبقو صحاب ممكن العكس اثنين صحاب يبقو حبايب لكن حبايب يبقى صحاب مستحيل .عارفين هما كده بيعملو ايه ؟
بيبقو لسه بيحبو بعض بس مستنين واحد فيهم يقول للتانى انا مش قادر استغنى عنك وهنا يبقى هو الضعيف اللى الحب حطم قلبه والطرف التانى يبقى هو المسيطر لانه عارف لو عمل اى حاجه . الطرف الاول حيرضى وحيقبل ويرجع تانى زى ما رجع اول مره ويتحول الحب اللى شى اخر لا اعرف معناه او اسمه

مأثورات

لا شك في أنك أغبى الناس اذا كنت تبحث عن الحب في قلب يكرهك!!

احيانا نخون ليس لأننا خائنون لكن لان البعض لا يستحق الوفاء !!

اكثر الناس حقارة هو الذي يعطيك ظهره وانت في أمس الحاجة الى قبضة يده!!

هل كتب علينا الحب ليسعدنا أم ليشقينا!!

كم اكون سعيد عندما اقرأ كلام يعبر عما بداخلى و كنت لا أستطيع أن أصيغه فى كلمات مكتوبة فمثل هذا الكلام يرجعنى لذكريات قديمة بمرها وحلوها.. ومرها قبل حلوها. ولأ نها ذكريات بغض النظر عن تأثيرها الأليم فانها تضحكنا وتشعرنا بأننا كم كنا ساذجين وبلهاء حينها وكم كنا محبين مضحين بأنفسنا من أجل من يصون هذه المحبة ولكن الحلم الجميل لابد من أن نستيقظ منه مهما طال عمره .. للاسف

مجرد كليمات

تـــعــالــي يـا حــلـم السنين عيوني لعنيك مشتاقين
ده قلبي ما صدق لقاك يا ملاك دوبت فيك والله من نظرتين
حياتي ماتغلاش عليك وبالعمر كله اشتريك
يااول واخر غرام ده الكلام كله صعب انه يوصف عنيك

شوق وحنين جوه قلبي ومين غير عيونك مين شغلوني
يوم ما هويت دوبت فيك ولاقيت كل مااتمنيت يا عيوني

انت شوقي وغرامي سكوتي وكلامي وحتي في منامي الاقيك
عشقي لعنيك حكايه حتفضل معايه يا عمري وهوايا اناليك


نظره منك خدتني وفيك دوبتني عشقت ولاقيتني معاك
وعدي مني تلاقيني بشيلك في عيني واعيشلك سنيني لهواك


شوق وحنين جوه قلبي ومين غير عيونك مين شغلوني
يوم ما هويت دوبت فيك ولاقيت كل مااتمنيت يا عيوني

شوق وحنين جوه قلبي ومين غير عيونك مين شغلوني

معانى الاسماء

اسم كل شخص له معنى ودلاله ولكن الغريب فى الامر ان هذا الاسم يدل فعلا على شخصيه هذا الشخص بعدما يكبر وينضج مع ان هذا الاسم يطلق عليه منذ ولادته ويختاره له ابوه وامه فكيف لهم ان يعرفو شخصيه هذا الطفل سبحان الله .

لقد تعرفت على اناس كثيرون جدا ويحملو اسماء متشابه ولكن هناك فروق كبيره جدا فى طباعهم ولكن ما لاحظته بشده أن الاسم يكون فعلا مرادف للشخصيه او عكسها تماما

اول حب عرفته فى حياتى كان لفتاة اسمها ايمان وده كان وانا فى رابعه ابتدائى ولكن لم أنسى هذه الفتاه لحد وقتنا هذا

اذكرها جيدا فى ذات المايوه الاحمر ونحن على شاطىء الاسكندريه وتعرفنا على بعض نعم كنا اطفال ولكن الحب ليس له سن فتجد الطفل وهو فى السابعه من عمره يحب جارته اوبنت خالته او بنت عمه ويكلمك ويناقشك فى مشاعر وأحاسيس وانت لا تعرف من اين عرف هذا الطفل تلك المشاعر وجاب منين الكلام اللى بيقوله ده .ده احنا مكناش عيال على كده

المهم تلك الفتاه كان اسمها فعلا هو شخصيتها الحقيقيه كام كانت جميله فى اخلاقها وطبعها وذوقها وتتحلى بالايمان فعلا اةةةاةةةةاةةة (قول للزمان ارجع يا زمان )

وبعد ان كبرت شويه وانا فى ثانوى كده تقريبا وتعرفت على فتاه اخرى اسمها ايضا ايمان ولكنها لا تعرف منه الا اسمها فكانت اكبر منافقه شفتها فى حياتى شتان بين الشخصيتان الذين يحملون نفس الاسم وعكس الطباع تماما ولاحظت ايضا ان كل الافلام العربى القديمه يتحقق هذا فيها بشده فتجد محمود يس فى دور هاشم فى فيلم انف وثلاث عيون وماجده فى دور امينه فى نفس الفيلم للكاتب الكبير احسان عبد القدوس وعبد الوارث عثر فى فيلم صراع فى الوادى كان اسمه صابر عبد الدايم وكذلك فاتن حمامه فى دعاء الكروان كانت تدعى امنه وكثير جدا من تلك الرويات العظيمه.التى يختار كتابها اسماء لابطالهم يصفون تلك الشخصيه من خلال اسمائهم .وهذا يحدث فعلا فى واقع الحياه التى نعيشها . فكم من الاسماء تعبر عن معانى جميله ولكنها تسمى لاشخاص لا ينتمون الى هذه المعانى والصفات تماما وكم من اسماء تسمى لاشخاص وتشعر بان اصحابها قد خلقوا ليوصفوا بهذه الاسماء اكثر مما يدعوا بها

مشكله حياتى

طبعا كعاداتى مش عارف ابدا ازاى

ده اول بوست ليا وانا قررت انى لازم ادون عشان اعبر عن احساسيى ومشاعرى اللى مش بعرف اوصفها وقولت لازم ادون و اتغلب على العيب ده .
بصراحه مش عارف حادون واقول ايه بظبط بس حاحاول اوصف كل مشاعرى واحساسيى اللى بحس بيها ومش بعرف اعبر عنها للناس اللى بحبها وده طبعا بيضيع منى حاجات كتير جدا ما علينا هى ايه لكن بجد ضاع منى حاجات كتيرحلوه اوى كنت بحبها اوى اوى بسبب عدم مقدرتى على التعبير لهم عن مشاعرى تجاههم .
انا نفسى اقول حاجات جوايا كتيره بس لسه مش عارف اوصفها لكن اكيد هنا حاحاول واحاول واتعلم انى اوصفها عشان ميضعش حاجه منى تانى لان كل حاجه ضاعت منى كانت غليا عليا اوى لانى من النوع اللى يبحب حاجته جدا و لايكمن افرط فيها ابدا حتى لو كانت حاجه بسيطه هى ممكن تبقى بسيطه وتافهه فى نظر الناس لكن عندى بتبقى اغلى حاجه فى حياتى وكفايه كده على اول بوست بكتبه فى حياتى لانى لسه مش مرتب افكارى ومش عارف حبدا ازاى بس اكيد حاحاول استرجع كل الحاجات الجميله اللى ضاعت منى قبل كده.